Ýokary liganyň futbol klublarynyň ýaşlar düzümleriniň gatnaşmagyndaky Türkmenistanyň birinjiliginiň ýedinji tapgyrynyň duşuşyklary geçirildi.
Ýaryş tertibiniň başyny çekip gelýän «Arkadag II» topary myhmançylykda «Energetik II» toparyny 5:1 hasabynda ýeňlişe sezewar etdi. Şeýlelikde, Arkadag şäheriniň topary bu tapgyrdan soň utuklaryny 16-a ýetirip, ýaryş tertibinde birinji orny eýelemegini dowam edýär.
Tapgyryň beýleki duşuşyklarynda «Altyn Asyr II» topary myhmançylykda «Köpetdagyň» ýaşlar düzümi (1:1), «Merw II» öz meýdanynda «Şagadam II» topary (3:3), «Aşgabat II» bolsa «Nebitçi II» bilen (0:0) deňme-deň oýnadylar.
7-nji tapgyryň duşuşyklary:
«Aşgabat II» – «Nebitçi II» – 0:0
«Köpetdag II» – «Altyn Asyr II» – 1:1
«Energetik II» – «Arkadag II» – 1:5
«Merw II» – «Şagadam II» – 3:3
Ýaşlar düzümleriniň gatnaşmagynda guralýan ýurdumyzyň birinjiliginiň 8-nji tapgyrynyň duşuşyklary 16-njy aprelde geçiriler: «Ahal-II» – «Aşgabat-II», «Nebitçi-II» – «Köpetdag-II», «Arkadag-II» – «Merw-II», «Altyn Asyr-II» – «Energetik-II».
