Arheologlar Birleşen Arap Emirliklerinde geçirilen gazuw-agtaryş işlerinde sebitiň irki taryhyna degişli birnäçe gadymy oturymly ýerleriň galyndylaryny tapdylar.
Ýurduň syýahatçylyk we arheologiýa ministrliginiň beren beýanynda taryhy galyndylaryň Dubaýyň 42 km demirgazyk-gündogarynda ýerleşýän syýahatçylyk merkezi bolan Al Sinnah adasyndan tapylandygy aýdylýar.
Arheologlar bu ýeriň dördünji asyra degişlidigini, iň azyndan 1600 ýyl mundan ozal döredilendigini tassyklaýarlar.
Gazuw-agtaryş meýdançasynda tapylan köp sanly küýzeleriň Mesopotamiýadan getirilendigi anyklandy.
Gaplaryň ikisinde birinji we dördünji asyrlara degişli bolan arameý ýazgylary bar.
Şeýle gazuw-agtaryş işleriniň ýene biri şol adanyň Deýr-as-Siniýa diýen at bilen tanalýan sebitinde geçirilýär.
