Şu ýylyň 7 aýynda Türkmenistanyň Senagatçylar we telekeçiler birleşmesi boýunça oba hojalyk we azyk önümlerini öndürmegiň ösüş depgini 167,9 göterime, senagat önümleriniň ösüş depgini 109,2 göterime deň boldy. turkmenmetbugat.gov.tm internet saýtynda bellenişi ýaly, bu maglumatlar içerki sarp edijileriň oba hojalyk önümlerine bolan isleglerini kanagatlandyrmakda hususy ulgamyň mümkinçilikleriniň uludygyny görkezýär.
Importyň ornuny tutýan önümleri öndürmekde, ýurdumyzyň eksport mümkinçiliklerini ýokarlandyrmakda hususy işewürleriň paýy uludyr. Şu ýylyň ýanwar — iýul aýlarynda, geçen ýylyň degişli döwri bilen deňeşdirilende, eksportyň we importyň artmagynyň hasabyna daşary söwda dolanyşygynyň möçberi 39 göterim ýokarlandy.
Şu ýylyň 7 aýynyň jemleri boýunça maliýeleşdirmegiň ähli çeşmeleriniň hasabyna özleşdirilen düýpli maýa goýumlaryň möçberi 13,4 milliard manada deň boldy. 2022-nji ýylyň 7 aýynyň jemleri boýunça Döwlet býujetiniň çykdajylarynyň umumy möçberiniň 81,5 göterimi ilatyň durmuş maksatlaryna gönükdirildi.
