Hepdäniň duşenbe güni Türkmenistanyň Döwlet haryt-çig mal biržasynda bolan söwdalarda umumy bahasy 736,4 müň dollar we 7,3 million manat bolan 11 geleşik baglaşyldy.
Türkiýäniň işewürleri Türkmengala, Sakarçäge etraplaryndaky we Daşoguz şäherindäki dokma kärhanalarynda öndürilen nah ýüplükleriň dürli görnüşleriniň 269,5 müň kilogramyny satyn aldylar. Geleşigiň umumy bahasy 736,4 müň dollara deň boldy.
Ýurdumyzyň telekeçileri umumy bahasy 7,2 million manat bolan Türkmenbaşy şäherindäki nebiti gaýtadan işleýän zawodyndan SN-180 görnüşli binýatlyk nebitiň jemi 2 müň tonnasyny satyn aldylar.
Şeýle hem içerki bazar üçin bahasy 45,3 müň manatdan gowrak bolan elde dokalan halylar ýerlendi.
