Şu gün — 24-nji ýanwarda Özbegistanyň paýtagty Daşkentde Ykdysady Hyzmatdaşlyk Guramasynyň daşary işler ministrleriniň Geňeşiniň mejlisi geçirilýär. Bu barada «Uzdaily» internet neşiri Özbegistanyň Daşary işler ministrligine salgylanyp habar berýär.

Özbegistan Respublikasynyň başlyklygynda geçirilýän mejlise Ykdysady Hyzmatdaşlyk Guramasyna agza döwletleriň — Türkmenistanyň, Azerbaýjanyň, Eýranyň, Gazagystanyň, Gyrgyz Respublikasynyň, Pakistanyň, Täjigistanyň, Türkiýäniň, Özbegistanyň daşary syýasy edaralarynyň ýolbaşçylary, Guramanyň Baş sekretary Husraw Noziri we beýlekiler gatnaşýarlar.