Ýanwar aýynda Türkmenistanyň banklary tarapyndan töleg-hasaplaşyk kartlarynyň 28 müň 400-e golaýy resmileşdirilip, ulanyşa goýberildi. Häzirki wagta çenli ýurduň banklary tarapyndan töleg bank kartlarynyň 5 million 205 müňden gowragy resmileşdirildi. Bu barada Türkmenistanyň Merkezi banky mälim edýär.
1-nji fewral ýagdaýlaryna görä, Türkmenistanda iň köp töleg karty «Daýhanbank» we «Türkmenistan» döwlet täjirçilik banklary tarapyndan resmileşdirildi. Häzirki wagta çenli bu iki bank tarapyndan resmileşdirilen töleg kartlarynyň sany, degişlilikde, 1 million 866 müňden we 1 million 13 müňden geçýär.
Häzirki wagta çenli Türkmenistanyň banklarynyň hödürleýän «Internet bank» hyzmatyna birikdirilen müşderileriň sany 944 müňden geçýär. «Mobil bank» hyzmatyndan peýdalanýanlaryň sany hem barha artýar. Häzirki wagta çenli bu hyzmata birikdirilen müşderileriň sany 61,5 müňden geçýär.
