Türkmenistanyň banklary tarapyndan geçen 2022-nji ýylda resmileşdirilen bank kartlarynyň sany 8,5 göterim artdy. Geçen ýylda Türkmenistanyň banklary jemi 406 045 sany bank kartyny resmileşdirdiler. Bu barada «TASS» habarlar agentligi Türkmenistanyň Merkezi bankyna salgylanyp habar berýär.
2023-nji ýylyň 1-nji ýanwaryna çenli Türkmenistanyň banklary jemi 5 million 177 müň 6 sany bank kartlaryny resmileşdirdiler. Bu görkeziji geçen ýylyň başynda 4 million 770 müň 961-e deňdi.
Iň köp bank karty, ýagny jemi 1 million 860 müňe golaý hasaplaşyk karty «Daýhanbank» döwlet täjirçilik banky tarapyndan ulanyşa goýberildi. Şeýle hem ýakynda «Türkmenistan» döwlet täjirçilik bankynyň töleg kartlaryny ulanýanlaryň sany 1 milliondan geçdi.
Iň köp töleg kartlary Aşgabat şäheriniň we Mary welaýatynyň banklary tarapyndan resmileşdirildi. Şu ýylyň 1-nji ýanwaryna çenli Aşgabat şäherindäki banklar tarapyndan 1 million 777 müňden gowrak, Mary welaýatynyň banklary tarapyndan hem 922 müňden gowrak töleg kartlary ulanyşa girizildi.
