Aşa sowuk howa diňe adamlara, janly-jandarlara özüniň täsirini ýetirmän, eýsem, durşy bilen demirden ybarat tehnikalara hem «hökümini ýöredip» bilýär.
Käbir töleg terminallary şeýle howada hyzmatyň häzirki wagtda elýeterli däldigini duýdurýar. Bardy-geldi töleg terminallarynyň we bankomatlaryň hyzmatyndan peýdalananyňyzdan soň hem, garaşýan netijäňiz çykmasa, muny hyzmata jogapkär edara-kärhanadan ýa-da bankdan görüp, dowla düşmäň! Sowuk howanyň töleg terminallarydyr bankomatlara täsirini ýetirip bilýändigini unutmaň!
Adatça, maglumat bilen işleýän tehnologik enjamlar gyzgyn howada işlemesini peseldýär. Güýçli maglumat serwerleriniň ýerleşýän ýeriniň sowuk gurşawda saklanmagynyň üpjün edilmegi hem şondandyr. Adatça, bankomatlaryň içki düzüminde wentilýasy ulgamy bolýar. Ýöne muňa garamazdan, bankomatlaryň sowuk howa gurşawy bilen üpjün edilmegi kem däl.
Aşa gyzgyn howanyň ýakymsyz bolşy ýaly, aşa sowuk howa hem diňe adamlara däl, eýsem, töleg terminallaryna, bankomatlara hem täsirini ýetirip bilýär.
Howa aşa sowanda mümkin boldugyndan içerde duran bankomatlaryň, töleg terminallarynyň hyzmatyndan peýdalanyň. Aslynda, sowukda töleg terminalyny gözläp ýörmäň, sanly ulgamyň mümkinçiliklerinden peýdalanyň!
