Geçen agşam Türkmenistanyň çeperçilik gimnastikasy boýunça ýetginjekler ýygyndysy abraýly halkara ýaryşa gatnaşmak üçin Gruziýanyň Tbilisi şäherine tarap ýola düşdi. Sanlyja minut mundan öň bolsa türkmen toparynyň ýaryşyň geçjek şäherine baryp ýetendigi habar berildi.
25-nji martda başlanjak ýaryşa gatnaşjak türkmen ýygyndysyna ýetginjek gyzlaryň ýedisi agzalyk edýär. Aşgabat şäheriniň bedenterbiýe we sport baradaky Baş müdirliginiň 13-nji sport mekdebinden Weronika Kurdupowa, Sara Gulberdiýewa, Fatima Kambarowa, Mahym Gurbanowa hem-de Aýgül Geldiýewa ýaly zehinli ýaşlardan başga-da, Balkan welaýatyndan bolan Mähri Pomanowa, Aýsen Abdyllaýewa bu ýygyndyny bezeýär.
Ýetginjekler ýygyndymyza 13-nji sport mekdebiniň çeperçilik gimnastikasy boýunça tälimçi-mugallymlary Fiza Aýwazowa bilen Dünýägözel Ataniýazowa tälimçilik edýär.
