Ajaýyp sport baýramy — Kuraş boýunça 14-nji dünýä çempionaty barha ýakynlaşýar. Ýaryş 23 — 28-nji noýabrda paýtagtymyzyň Olimpiýa şäherçesindäki Başa-baş söweş sungaty sport toplumynda geçiriler.
Türkmenistanyň Kuraş göreş federasiýasynyň biz beren habarynda eýýäm çempionatyň petekleriniň satuwa çykarylandygy aýdylýar.
Petekler 25 manatdan satylýar.
25-nji noýabrda dabaraly ýagdaýda açyljak dünýä çempionatynyň maksatnamasynyň çägindäki dartgynly duşuşyklaryňdyr ýaryşlaryň 27-28-nji noýabrda ýaýbaňlandyrylýandygyny ýatladýarys.
Aşgabat şäheriniň ýaşaýjylarydyr myhmanlary Kuraş boýunça dünýä çempionatynyň peteklerini paýtagtymyzyň görkezilen nokatlaryndan tapyp bilerler:
Olimpiýa şäherçesiniň kassasyndan (Işewürlik merkeziniň golaýynda);
«Berkarar» söwda we dynç alyş merkezinden (birinji gatynda);
«Aşgabat» söwda hem-de dynç alyş merkezinden (ikinji gatynda) tapyp bilerler.
Iri sport baýramçylylgy oňa gatnaşyjylaryň sany boýunça rekord görkezijä eýe bolar.
