Şu günler 2007-nji ýylda doglan ýaşlaryň hem-de 2010-2011-nji ýyllarda doglan ýetginjekleriň arasynda futbol boýunça Türkmenistanyň birinjilikleri geçirilýär.
Türkmenistanyň Bedenterbiýe we sport baradaky döwlet komiteti bilen Türkmenistanyň Futbol federasiýasynyň bilelikde guramagynda geçirilýän ýaryşlaryň her biri toparçalaryň ikisindäki duşuşyklar bilen başlandy. Ýaşlaryň arasyndaky ýaryşa 9 topar, ýetginjekleriň birinjiligine bolsa 8 topar gatnaşýar.
Häzirki wagtda bu birinjilikleriň birinji tapgyry jemlendi. Şeýlelikde, ýaşlaryň arasyndaky birinjiligiň «A» toparçasynda «Şagadam» «Merwi» 7:4, «Altyn täç» bolsa «Lebap» toparyny 4:1 hasabynda ýeňmegiň hötdesinden geldi. «B» toparçasynda bolsa «Mary» «Daşoguzy» 5:1, «Aşgabat» bolsa «Balkany» 2:0 hasaby bilen ýeňdi.
Ýetginjekleriň birinjiliginiň «A» toparçasynda GOÝÇÝSM topary «Balkandan» (4:1), «Mary» bolsa «Ahaldan» (5:0) rüstem çykdy. «B» toparçasynda bolsa «Altyn täç» «Lebapdan» asgyn geldi — 0:2. «FSM-Batly» topary bolsa «Daşoguzy» ýeňmegi başardy — 3:0.
Birinjilikleriň ikinji tapgyry şu gün geçer.
