Maýýalaryň döwletiniň çägindäki ilkinji arheologik barlaglar 100 ýyldan hem öň başlanypdy. Bu ägirt uly şäher amerikan arheology we botanigi Saýrus Landelli tarapyndan 1931-nji ýylda tapylypdyr.
Kosmosdan düşürilen suratlar boýunça geçirilen barlaglar maýýalaryň bu ajaýyp şäheriniň meýdanynyň has uludygyny we azyndan 20 inedördül kilometre ýetýändigini tassyklaýar. Alymlar maýýalaryň entek üsti açylmadyk binalarynyň hem bardygyny we olaryň biri-birine örän ýakyn ýerleşýändigini anykladylar.
Kalakmul şäheriniň meýdany we ajaýyp gurluşygy häzir hem arheologlary haýrana goýýar. Bu ýeriň suw ulgamy, terrasalary, diwarlarydyr beketleri maýýa halkynda ajaýyp binagärleriň bolandygyny görkezýär.
