26-njy ýanwarda Türkmenistanyň Çeperçilik sergiler müdirligi we şekillendiriş sungatynyň sergi merkezinde «Hyýaldan hakykata» atly abstrakt sungatyna bagyşlanan döredijilik sergisi açylar.
Onda döwrebap çeperçilik akymlarynda ýerine ýetirilen işleriň 200-den gowragy görkeziler. Sergide keramika önümleri, küýzegärçilik sungatyna degişli işler we abstrakt stilinde çekilen suratlar sungat söýüjileriň ählisine ruhy lezzet berer.
Sergä gatnaşyjylar bu ýerde halypa suratkeşleriň, şeýle-de bu sungata täze başlan ýaşlardan Oguljennet Mollaýewanyň, Merdan Nurmedowyň, Juma Amandurdyýewiň, Hoja Çüriýewiň, Azat Alyhanowyň we beýlekileriň eserlerini synlap bilerler. Paýtagtymyzda abstrakt sungata bagyşlanan şeýle serginiň ilkinji gezek geçirilýändigini bellemek gerek.
Sergi sagat 16:00-da açylyp, 5-nji fewrala çenli dowam eder.
